U mbyll sot dita e fundit e trajnimit 3-ditor NAS dhe IFRS, në kuadër të projektit “Asistenca Teknike në lidhje me Raportimin Financiar të Shoqërive Tregtare me Kapital Shtetëror dhe Monitorimin e Performancës së tyre Financiare”, mbështetur nga Banka Botërore.
Mbështetur në një program të pasur, në këtë trajnim intensiv për shoqëritë aksionare me një rëndësi strategjike u trajtua zhvillimi i aftësive profesionale në aplikimin e këtyre standardeve duke vendosur fokusin në specifikat dhe sfidat unike të raportimit financiar me të cilat përballen Shoqëritë tregtare me kapital shtetëror në Shqipëri.
Stafi i sektorit të financës (OBP) ndoqi sesionet e këtij trajnimi, të cilat përfshinë një ndërthurje të aspekteve teorike dhe atyre praktike duke ofruar një mundësi të mirë për të zhvilluar edhe më tej aftësitë lidhur me përgatitjen, interpretimin dhe analizimin e Pasqyrave Financiare të Shoqërive tregtare me kapital shtetëror në Shqipëri.
